Hum khaali hath hi aaye thay



Har fard yahan par 
Taajir hay 
Har waqt Tijaarat hoti hay 
Tum ap hi apne Daam kaho 
Chhup k nahi Sar e aam kaho 

Kya lo ge Apni yari ka 
Kya lo ge tum Dildaari ka 
Ghum khuwar bano ge kitnay me 
Tum pyar karo ge kitnay me 

Sab jazbay mere Naam karo 
Hum naam Tum apna daam kaho 
Par daam chukaanay ki khatir 
Hum apna daftar kholein to 

Hum apni jaib tatolain to 
Bas pyar milay ga thora sa 
Aazaar milay ga thora sa 
Ye sikkay Yahan kab chaltay hain 
Kya udhaar milay ga thora sa 

Ye dunya Be aitbari ki 
Ye arz hay Har beyopari ki 
Chal chor tamanna 
Jazbon ki 
Hum khaali hath hi aaye thay 
Hum khali hath hi jayen gy.. 
Comments
0 Blogger Comments